ទីបញ្ជាការដ្ឋានកងរាជអាវុធហត្ថថ្មីធ្វើឲ្យអ្នកភូមិបឹងកក់ប៉ះទង្គិចគ្នា
ការតវ៉ាដែលធ្លាប់មានការរួបរួមគ្នារបស់សហគមន៍បឹងកក់ ប្រឆាំងការបណ្ដេញពួកគាត់ទាំងបង្ខំនោះ មានការបែកបាក់គ្នាកាលពីចុងសប្ដាហ៍ នៅពេលដែលអ្នកបែកបាក់គ្នានៅក្នុងសហគមន៍នេះបានចោទគ្នាថា ភាគីនីមួយៗបានគប់ដុំថ្មដាក់គ្នាមុននៅក្នុងជម្លោះមួយដែលបានកើតឡើងកាលពីថ្ងៃសៅរ៍ ជុំវិញការសាងសង់ទីបញ្ជាការដ្ឋានកងរាជអាវុធហត្ថថ្មីនៅក្នុងតំបន់របស់សហគមន៍នេះ។ កងរាជអាវុធហត្ថខណ្ឌដូនពេញ បានបញ្ជាក់កាលពីសប្ដាហ៍មុនថា ដីដែលគេកំពុងឈូសឆាយនៅបឹងកក់នេះ គឺសម្រាប់សាងសង់ទីបញ្ជាការដ្ឋានថ្មីរបស់កងរាជអាវុធហត្ថខណ្ឌដូនពេញ ដែលស្ថិតនៅតែប៉ុន្មានម៉ែត្រប៉ុណ្ណោះពីផ្ទះរបស់សកម្មជនមួយចំនួនក្នុងចំណោមសកម្មជនប្រឆាំងការបណ្ដេញចេញ ដែលលេចធ្លោជាងគេនៅកម្ពុជា រួមទាំងអ្នកស្រី ទេព វន្នី និងអ្នកស្រី យ៉ោម បុប្ផា ផងដែរ។ សកម្មជនទាំងនេះចោទរដ្ឋាភិបាលថា ដាក់ទីបញ្ជាការដ្ឋានកងរាជអាវុធហត្ថថ្មីនេះគឺដើម្បីបំភិតបំភ័យពួកគេ។ លោក ថោង ពិសិដ្ឋ មេបញ្ជាការកងរាជអាវុធហត្ថខណ្ឌបានបដិសេធការចោទប្រកាន់នេះ ហើយបានមានប្រសាសន៍ថា សាលារាជធានីគ្រាន់តែជ្រើសរើសដីដែលនៅទំនេរប៉ុណ្ណោះ។ …
អូន ភាព និង ហ្សមប៊រ ភីធឺរ៍
http://www.cambodiadailykhmer.com/news/16581/
